Monday, January 27, 2014

කොරියන් = චයිනීස් වෙච්ච හැටි



කොහොමද ඉතින්,

බ්ලොග් එක ලියන එක නවත්තල හුඟ කාලයක් ගතවෙලා. හරියටම කිව්වොත් මාස අටක්. තවමත් මේක host කරගෙන ඉන්නවට Blogger එකට පිං දෙන්න ඕනි. වෙන තැනක තිබුනනම් කෑලිවත් නෑ දැන්.

ඉතින් කරන්න වැඩකුත් නැතිව නිවාඩු කාලේ ගතවෙලා යන නිසා පොඩි Update පාරක් දාන්න හිතුන. මේ දවස්වල මගේ ෆෝන් කට්ටත් නැතිවෙලා නිසා අලුත් එකක් ගන්නයි හිතුවෙ. බුකියේ, ඉක්මන් එකේ පොඩ්ඩක් හොයල බලනකොට හම්බුනා සැම්සුන්ග් ගැලැක්සි S4 කොරියන් ෆෝන් ලාබෙට තියෙනවා. හිතාගන්නවත් බැරි තරම් අඩුවට. ඉස්සරත් LG Optimus සීරීස් එකේ කොරියන් වර්ෂන් අතපත ගාලා තිබුණු නිසා කොරියන් බඩු සුපිරි බව දැනගෙන හිටිය. මේකත් එහෙම ඇති කියල හිතාගෙන ගාන ෂුවර් කරගන්න කියල ebay එකේ සර්ච් පාරක් දැම්ම galaxy s4 korea කියල. අම්මට සිරි. ඩොලර් 500ක්ලු. මේ හුටපටේ මොකක්ද බලන්න ආපහු ගැහුවා galaxy s4 කියල විතරක්. ඔන්න එනවා ඩොලර් 50 ඉදන්. බලපුවාම මේවා කොරියන් නෙමෙයි චයිනා. HDC කොම්පැනියේ හොර බඩු. මේ ගැන වැඩිදුර හොයනකොට අපේ කොල්ලෙක් ලියපු ලිපියක් හම්බුනා. (මෙතනින් බලන්න) හොයන්නෙ බලන්නෙ නැතුව ගත්තනම් බඩුම තමයි. මේකෙන් ඉගෙනගත්ත පාඩම තමයි කොරියන් ෆෝන් ගන්න ඉන්නවනම් සැම්සුන්ග් ගැලැක්සි S4 නම් ගන්න යන්න එපා. මොකද ඔරිජිනල් කොරියන් ඒවා පට්ට ගණන්.ඊට වඩා හොඳයි ඉන්ටර්නැෂනල් වර්ෂන් ගන්නවා. හැබැයි LG වලට මේක අදාල නෑ. ඔරිජිනල් කොරියන් ඒවා අඩුවට තියෙනව. ආපහු Optimus එකකට බහින්නත් හිතෙනව දැන්නම්. ඒත් සෙකන්ඩ් හෑන්ඩ් නිසා හිතට හරි නෑ.

කොහොම හරි දවස් දෙකක් විතර හොයල හොයල අන්තිමේදී ZTE එකක් ඕඩර් කළා Aliexpress එකේ. දැන් ඒක එනකන් බලන් ඉන්නව.

Saturday, May 25, 2013

Windows 8 සඳහා හොඳම Start Menu එක

වින්ඩෝස් 8 වල විශාල අඩුපාඩුවක් වූ start menu එකක් නැතිකම මගහරවා ගැනීමට අලුත් මෘදුකාංගයක් නිකුත්වී තිබෙනවා. එය නම් කර ඇත්තේ Start Menu 8 ලෙසයි. IObit සමාගමේ නිෂ්පාදනයක් වන මෙය වින්ඩෝස් 7 හි start menu  එකෙහිම වැඩිදියුණු කල සංස්කරණයක් ලෙස හැඳින්විය හැකියි. අනෙකුත් මෘදුකාංග සමග කිසිදු බාධාවකින් තොරව ක්‍රියාත්මක වන අතර අවශ්‍ය පරිදි වෙනස්කම් කරගත හැකියි.


Friday, April 19, 2013

පහසුවෙන් Undo කරන්න Shadow Defender


ඔබත් නිතරම විවිධ මෘදුකාංග ස්ථාපනය කිරීම, අත්හදා බැලීම වැනි දේ කරනවානම් සමහර විට වින්ඩෝස් රිකවරි භාවිතා කිරීමට සිදුවෙනවා. නමුත් අධික ලෙස ඉඩ වැයවීම හා සම්පූර්ණයෙන්ම පෙර තත්වයට පත් නොවීම එහි ඇති ගැටලු කිහිපයක්. එමනිසා ඊට විකල්පයක් ලෙස භාවිතා කළහැකි මෘදුකාංගයක් ඔබවෙත ගෙන එනවා. ඒ තමයි Shadow Defender. විශාලත්වයෙන් මෙගාබයිට 3කට වැඩි නැති මේ මෘදුකාංගය වින්ඩෝස් රිකවරි වලට වඩා පහසුවෙන් ක්‍රියාත්මක කල හැකියි. එසේම Virtual Box හෝ Sand Box මෘදුකාංග වෙනුවටත් ආදේශකයක් ලෙස භාවිත කල හැකියි.

Wednesday, April 17, 2013

අන්රේටඩ් කොමඩි චිත්‍රපට 5ක් (18+)

අලුත් අවුරුද්දටත් එක්ක හරියන්න දෙනකොට කිරි උතුරන්න දෙන්න එපැයි. ඔන්න අද ගෙනාවා මම කැමතිම ජාතියේ චිත්‍රපට 5ක්. මේවා සේරම අන්රේටඩ් හෝ රේටඩ් R විදිහට සඳහන් වෙලා තියන නිසා පොඩි උන් බලන එකක් නෑ කියල හිතනව.

Wednesday, March 13, 2013

IP Hide කිරීමට ලොව පිළිගත් විසඳුම


Block කල වෙබ් අඩවි වලට යාමට හෝ සිය අනන්‍යතාව සැඟවීමට හෝ වේවා බොහෝදෙනා භාවිතා කරනුයේ IP Hide මෘදුකාංගයකි. මේ සඳහා යොදාගන්නේ වාණිජ මෘදුකාංගයක අනවසර පිටපතකි. නැතහොත් නොමිලේ ලැබෙන Proxy List එකකි.

නමුත් Global Internet Freedom Consortium ආයතනය පවසන ආකාරයට එසේ කිරීමට අවශ්‍ය නැත. ඔවුන්ගේ අන්තර්ජාල නිදහස පිලිබඳ ව්‍යාපාරය මගින් පවත්වාගෙන යන නොමිලේ දෙන මෘදුකාංග අතුරින් Freegate මෘදුකාංගය ලොව මිලියන ගණනක් විසින් දෛනිකව භාවිතා කරයි. ඔබටත් පහත ලින්කුව ඔස්සේ ගොස් එම මෘදුකාංගය අත්හදා බැලිය හැක.

Sunday, March 10, 2013

Just Cause 2

Just_Cause_2

Rico Rodriguez කියන්නෙ CIA නියෝජිතයෙක්. Panau නම් දිවයින තුල සිදුවන දේශපාලන ගැටුම් අතරේ අතුරුදන් වන නියෝජිතයෙක් සෙවීම ඔහුට භාර වෙනවා. මේ නියෝජිතයා එරට තුල ගැටුම් ඇති කිරීමට හා හිටපු පාලකයා මරාදැමීමට සම්බන්ධ යැයි සැක කෙරෙනවා.  Agency එක මගින් පැවරෙන මෙහෙයුම් සහ අමතර මෙහෙයුම් කිහිපයක Rico හට යෙදීමට සිදුවෙනවා.මේ ක්‍රීඩාව Sandbox වර්ගයේ එකක්. එනම් විශාල පරිසරයක් තුල සිතැඟි පරිදි  ක්‍රීඩාව මෙහෙයවීමට ක්‍රීඩකයාට හැකියි. GTA,Saint's Row,Mafia,Godfather වැනි ක්‍රීඩාද අයත් වන්නේ මේ ගණයටයි. විශේෂ ලක්ෂණ ලෙස දැක්විය හැක්කේ පරිසරය නිර්මාණය කර ඇති ආකාරයයි. පැදවිය හැකි රථවාහන සියයකට අධික සංඛ්‍යාවක් සහිතයි. ආයුධ වර්ග 23ක් ඇති බව සඳහන්. එසේම සිත්ගන්නාසුළු පිපුරුම් දර්ශනද අඩංගු වෙනවා.

බාගතකරන්න
1.38GB සෘජු බාගැනීමේ ලින්කුව
[මෙය Copy කර ඔබගේ Download Manager එකෙහි Paste කරන්න]

Friday, March 8, 2013

Tom Clancy's Ghost Recon: Future Soldier

ghost-recon-future-soldier_title

සැමවිටම වෙනස් ආකාරයේ ක්‍රීඩාවන් ඔබ වෙත ගෙන එමට අපි අපේක්ෂා කරමු. එබැවින් මෙවර 2012 වසරේ නිකුත්වූ හොඳම ප්‍රතිචාර ලද  Tactical Shooter  වර්ගයේ ක්‍රීඩාව ගෙන ආවෙමු. ටොම් ක්ලැන්සි යනු බටහිර යුධ කතා රචකයන් අතර රජු ලෙස හැඳින්වූවාට වරදක් නැත. ඔහුගේ සංකල්පයක් මත  නිපදවූ Ghost Recon ක්‍රීඩා මාලාවේ හත්වන දිගහැරුම Ghost Recon: Future Soldier පසුගිය වසරේදී Ubisoft සමාගම විසින් ඉදිරිපත් කරන ලදී. මෙහිදී ක්‍රීඩකයාට ලැබෙනුයේ 2024 වසරේ පිහිටුවන ලද අතිශය දියුණු තාක්ෂණයක් යොදාගන්නා කුලී හමුදා කණ්ඩායමකි. ඉතා දුෂ්කර මෙහෙයුම් රහසිගතව හා ක්ෂණිකව සිදුකිරීම මොවුන්ට පැවරෙයි. න්‍යෂ්ටික අවි වෙළෙන්දෙකු කොටු කර ගැනීම සඳහා සැලසුම් කරන Ghost කණ්ඩායමක් බෝම්බ පිපිරුමකට හසුව විනාශ වේ. එම සිද්ධිය පරීක්ෂා කර ජාවාරම්කරු අල්ලාගැනීම තවත් Ghost කණ්ඩායමකට ලැබෙන අතර ඔවුන් අවසානයේ කොටුවන්නේ රටවල් අතර සිදුවන න්‍යෂ්ටික සංග්‍රාමයකටය. ඉතා සූක්ෂම ලෙස කරන සටන් මෙන්ම රහසිගත මෙහෙයුම් හා දැවැන්ත යුධ ගැටුම් වලට මැදි වීමට ක්‍රීඩකයාට සිදුවේ. මෙම ක්‍රීඩාවේදී ඉතා උසස් ගණයේ ග්‍රැෆික් තාක්ෂණයක් භාවිතාවේ. එමෙන්ම සම්පූර්ණයෙන්ම වෙනස්කම් සිදුකළහැකි  අවි ආයුධ වර්ග රැසක් තෝරාගැනීමට ලැබේ. සටන් බිමේදී භාවිතා කරන ආයුධය, උපාය මාර්ගය හා ක්‍රීඩකයාගේ අංග චලන මත ඔහුගේ ජීවිතය රඳාපවතින අතර අදාළ මොහොතට ගැලපෙන සටන් ක්‍රමය තෝරාගත යුතුය.

බාගන්න




[ක්‍රීඩාව නියමාකාරයෙන් ස්ථාපනය කිරීමට නම් එහි නිකුත්වී ඇති Updates සියල්ල ස්ථාපනය කලයුතු අතර අවසානයේ Crack එක copy කල යුතුය.]

Tomb Raider (2013)



1996 වසරේ නිකුත්වුනු ටූම්බ් රේඩර් ක්‍රීඩාව ඔබට මතක ඇති. එසේ නැතිනම් ඇන්ජලීනා ජොලී රඟපෑමෙන් දායක වුනු ටූම්බ් රේඩර් චිත්‍රපට නරඹා ඇති. මේ ක්‍රීඩාව එවකට දරුවන් අතර  අතිශය ජනප්‍රියත්වට පත් වූ අතර  නිකුත් වී වසර දහසයකට පසුත් එලෙසින්ම රඳවාගැනීමට හැකිවී තිබේ. ඒ මෙම ක්‍රීඩාපෙලේ පස්වන දිගහැරුමත් සමගය. මෙහිදීද ක්‍රීඩකයාට ලාරා ක්රෝෆ්ට් නම් වීර  කාන්තාවගේ චරිතය මෙහෙයවීමට ලැබෙන අතර මුහුදුබත්වූ නෞකාවකින් දිවි ගලවාගන්නා ඇය දූපතක සිරවී සිදුකරන අරගලය තේමා වී ඇත. වනාන්තරයක් තුල දිවිගලවාගැනීමට සටන් කරන ලාරා හට විවිධ දක්ෂතා ප්‍රගුණ කරමින් සහ නොයෙකුත් බාහිර මෙහෙයුම් වලට සම්බන්ධවෙමින් ඉදිරියට යාමට සිදුවේ. මෑතකදී නිකුත්වූ  FarCry 3 ක්‍රීඩාවට බෙහෙවින් සමාන වන අතර එනමුත් ග්‍රැෆික් නිර්මාණ අතරින් ඉදිරියෙන් සිටියි. Open World වර්ගයේ ක්‍රීඩාවක් වන මෙහි නිෂ්පාදනය Square-Enix සමාගමෙනි.

බාගතකිරීමට:
හෝ
හෝ


Thursday, March 7, 2013

Arma III

Arma-3-Wallpaper-1080p

ලෝකයේ ඉතාම ජනප්‍රිය Combat Simulator ක්‍රීඩාවක් වන Arma : Armed Assault හි ප්‍රථම අත්හදා බැලීමේ සංස්කරණය නිකුත් වී ඇත. මෙම ක්‍රීඩා මාලාවේ තුන්වන අදියර වන මෙය ලොව පුරා මිලියන ගණනක් ක්‍රීඩාලෝලීන්ගේ අවධානය දිනාගැනීමට සමත්විය. තාත්වික බවට ආසන්න නිසාම Arma  ක්‍රීඩාව බොහෝ රටවල  යුධ උපදේශකයන් හා පුහුණුකරුවන් විසින් යොදාගන්නා බැව් සඳහන්ය.Bohemia Interactive සමාගමේ නිපැයුමක් වන මෙම ක්‍රීඩාව 2013 තුන්වන කාර්තුවේ නිකුත් වීමට නියමිතය.

Wednesday, January 16, 2013

Witcher 2 : පරිගණක ක්‍රීඩාව

රෝල් ප්ලේයින් ගේම්ස් වලට කැමති අයට ගැලපෙන විශිෂ්ට මට්ටමේ පරිගණක ක්‍රීඩාවක් තමයි The Witcher 2: Assassins of Kings කියන්නේ. එය මේ වර්ගයේ ක්‍රීඩා අතරින් Skyrim ක්‍රීඩාවට පමණක් දෙවැනි වෙන ජනප්‍රියත්වයක් ලබාගන්න සමත් වෙලා තියෙනවා. 
Witcher හෙවත් Geralt of Rivia හට මුහුණදීමට සිදුවන අභියෝග ජයගැනීම තමයි ක්‍රීඩකයාට පැවරෙන්නේ. සිත් ඇදගන්නා කතාවකින් හා අති නවීන ග්‍රැෆික් නිර්මාණයන්ගෙන් සමන්විත ක්‍රීඩාවක් කිව්වොත් නිවැරදියි. මෙහි ගොඩනගා ඇති වටපිටාව පුළුල් පරාසයකට විහිදෙන අතර ක්‍රීඩාව ක්‍රියාත්මක කිරීම සඳහා වේගවත් පරිගණකයක් අනිවාර්ය වෙනවා. සටන් විලාසයන් හා අවි ආයුධ භාවිතය බෙහෙවින් සැලකිල්ලට ගෙන සිදුකල නිර්මාණයක්.

Friday, December 14, 2012

අසැසින්ස් ක්රීඩ් III [පරිගණක ක්‍රීඩා]

අසැසින්ස් ක්රීඩ් ක්‍රීඩා පෙලේ පස්වෙනි දිගහැරුම Assassin's Creed III නොවැම්බර් මාසයේ නිකුත් වුනා. මෙහිදීද මුල් කතා පෙලින් ඔබ්බට ගොස් ඇමරිකානු විප්ලව සමයේ සිටි කුලී ඝාතකයෙකුගේ චරිතය ඔබට ලැබෙනවා.
කලින් සංස්කරණ ඔබ ක්‍රීඩාකර තිබේනම් මෙහි එතරම් වෙනසක් පෙනෙන එකක් නැහැ. නමුත් නව ආයුධ සහ අංගචලනයන් කිහිපයක් එකතුවී තිබෙනවා. අවට ලෝකය නම් බොහෝ දුරට සමානයි.

Sunday, October 21, 2012

බ්රේකින්ග් බෑඩ් [ටීවී සීරීස්]

නිවාඩු කාලේ බලපු ටීවී සීරීස් තොගය නම් වශයෙන් කියන්නත් බැරි තරම්. 24, Alias, Nikita, Arrested Development, Breaking Bad, BigBang Theory, Family Guy, FullMetal Panic!, Lost, Mentalist, Merlin, Spartacus මේවයෙන් කීපයක්. ඔය අස්සේ හැමදාම බලන VampireDiaries, Supernatural, HowIMetYourMother, Fringe වගේ ඒවත් බලන්න එපැයි. ස්ට්‍රයික් එක ඉවර උන නිසා දැන් මේවට වෙලාවක් හොයාගන්න එක තමයි ප්‍රශ්නේ.....

Tuesday, October 16, 2012

ඊසෙට් ප්‍රතිවයිරස් මෘදුකාංගය....


මීට මාස කිහිපයකට කලින් මම ඊසෙට් ඇන්ටිවයිරස් එකට මාරු උනා. ඇවාස්ට් වල තිබුණු යම්යම් අඩුපාඩු හා එහි ඇති ක්ලවුඩ් ආකාරයේ අතුරුමුහුණත එපාවීම නිසා තමයි මේ තීරණය ගත්තේ. ඇත්තටම එය ඉතාම හොඳ තීරණයක් බව මට වැටහුනේ ඊසෙට් වල ඇති විශිෂ්ට ක්‍රියාකාරිත්වය නිසා. ඇවාස්ට් වලට වඩා ප්‍රබල මෘදුකාංගයක් උනාට පරිගනකයේ වේගයට කිසිම බාධාවක් නැතිව එය ක්‍රියා කරනවා. ඩේටාබේස් අප්ඩේට් වීමත් හරිම වේගවත්. ඊසෙට් ස්මාර්ට් සිකියුරිටි කියන්නේ අංගසම්පුර්ණ පැකේජයක්. එය උසස් මට්ටමේ ෆයර්වෝල් එකකින්ද සමන්විතයි.

Monday, October 15, 2012

මිස්ටර් පර්ෆෙක්ට් ගෙන් ලස්සන වෙන්න උපදෙස්......



ප්‍රවීණ රූපලාවන්‍ය ශිල්පී ෆොටෝෂොප් මහත්මයා ගැන දන්නවනේ. ලස්සන වෙන්න කැමති කොල්ලො කෙල්ලො සේරම කිසිම ලැජ්ජාවක් බයක් නැතුව මෙයාගෙන් උපදෙස් අරන් තියෙනවා. ඒ අතරට අලුතින්ම එකතුවෙන කෙනා තමයි මිස්ටර් පර්ෆෙක්ට් කියන්නේ. මෙයාට පුළුවන් මේකප් නැතිවම ඔයාව ලස්සන කරලා දෙන්න. උනන්දුවක් ඇතිඋනානම් දිගටම කියවන්න.

Friday, October 5, 2012

ebay ගනුදෙනු


මේ වෙනකොට ebay ගැන දන්නෙ නැති පිරිසක් ඉන්නවා කියල හිතන්න අමාරුයි. එතරම් ජනප්‍රිය භාණ්ඩ අලෙවි සේවාවක් වෙන නැහැ. නමුත් තවමත් ebay ගනුදෙනු පිලිබඳ චකිතයකින් පසුවන පිරිස් ඉන්න නිසාම මේ ලිපිය ලියනවා.

මම ebay ගිණුමක් හැදුවේ මීට වසර ගානකට කලින්. නමුත් ක්‍රෙඩිට් කාඩ් එකක් මගින් ඒ හරහා ගනුදෙනු කරන්න ගත්තේ මාස 10කට කලින්. මේ සඳහා මං භාවිතා කරන්නේ paypal ගිණුම සහ people's bank credit card එක.

paypal ගැනනම් බොහෝ ලිපි මං දැකල තියෙනව. ගිණුමක් අරඹන එක හරිම පහසුයි. නමුත් credit card ගැනනම් කියන්න වෙන්නෙ වෙනස් දෙයක්. paypal ගිණුම ක්‍රියාත්මක කරන්න අපට භාවිතා කරන්න පුළුවන් sampath web card එක. ගොඩක් දෙනා ඒක පාවිච්චි කරන්නේ ආරක්ෂාවට. visa සලකුණ ඇති වෙනත් ඕනෑම credit හෝ debit කාඩ්පතක් භාවිත කරන්නත් පුළුවන්. සෑම කාඩ්පතක්ම පළමු paypal ගනුදෙනුව සිදුකිරීමට පෙර verify කරගන්න ඕනා. මේ සඳහා උපරිම දින 30ක් ගතවෙනවා. paypal මගින් නිකුත් කරන රහස් අංකයක් credit card statement (මාසික බිල්පත) එකේ සටහන් වෙලා තියෙනව. මේ අංකය මගින් තමයි paypal ගිණුම ක්‍රියාත්මක කරගන්න පුළුවන්. ඉන්පසු සාමාන්‍ය පරිදි ගනුදෙනු කරන්න පුළුවනි. debit කාඩ් එකක් නම් පළමුව card centre එකට දුරකථන ඇමතුමක් දී අන්තර්ජාල ගනුදෙනු සඳහා කාඩ්පත active කරගන්න ඕනා. ඒ සඳහා උපරිම දින 3ක් පමණ ගතවෙනවා. බොහෝ credit කාඩ් වලදී මේ පියවර අදාළ වෙන්නෙ නෑ. ඔබට credit card එකක් ලබාගැනීමට අවශ්‍ය වුවත් තවමත් ශිෂ්‍යයෙක් නම් බැංකු ගිණුමේ යම් මුදලක් hold කර කාඩ්පත ලබාගත හැකියි. සාර්ථකව verify කරගත් paypal ගිණුමක් ඇත්නම් ඔබට ගනුදෙනු අරඹන්න පුළුවන්.

ebay මගින් භාණ්ඩයක් ගන්නාවිට සැලකිය යුතු දේවල් කිහිපයක් තිබෙනවා. වැදගත්ම එක තමයි delivery method එක. Worldwide යනුවෙන් සඳහන්නම් පමණයි ලංකාවට එම භාණ්ඩය ගෙන්වාගන්න පුළුවන්. free shipping නම් ගැටළුවක් නැහැ. නමුත් අනෙක් delivery methods වලදී භාණ්ඩයේ මිලට ප්‍රවාහන ගාස්තුව එකතු වෙනවා. ඒ ගැන සැලකිලිමත් නොවුනොත් ලාබෙට බඩුගන්න හිතන්නවත් එපා. මීට අමතරව විකුණුම් කරුගේ seller's score එක මගින් අව්‍යාජ වෙළෙඳුන් හඳුනාගන්න පුළුවනි. buy now හා auction අතර වෙනස ඔබට සිතාගන්න පුළුවනි. බොහෝ auction වලට bid කරද්දී අන්තිම මොහොතේ පමණක් bid කිරීමෙන් සුළු ලාභයක් ලබන්නත්  හැකියි.

මිල ගැන කියනවා නම් ලංකාවේ මිලට වැඩිය අඩුවෙන් ගෙවා බොහෝ භාණ්ඩ ගෙන්විය හැකියි. පොඩි පොඩි භාණ්ඩ සඳහා වඩා සුදුසු china,hongkong,malaysia වල වෙළෙඳුන් වන අතර mobile phones හෝ මිල වැඩි gadget සඳහා යුරෝපීය වෙළෙඳුන් තෝරාගන්න. භාණ්ඩය නිවසට ලැබීමට දින 7 සිට  සති 3ක් පමණ ගතවිය හැකියි.
නොලැබුනොත් මුදල් ආපසු ගෙවන ප්‍රතිශතයද වැඩියි. ඒ නිසා භාණ්ඩයක් මිලට ගැනීමට පෙර එහි විස්තරය හොඳින් කියවා අවබෝධ කරගන්න.

මා ගෙන්වාගත් භාණ්ඩ කීපයක්.....

Sunday, June 3, 2012

කවුද කැමති POP අහන්න .....?


අනූව දශකයේ හොඳම පොප්/ඩාන්ස් ට්රැක් ටිකක් අහමුද ?

මෙතන කොටන්න

Monday, March 26, 2012

සිහිනය - වාසනාව

අද කාලේ කොල්ලෙක්ගෙ ලොකුම බලාපොරොත්තුව  කෙල්ලෙක්වත්, සල්ලිවත් නෙවෙයි. එහෙනම් මොකක්ද  දන්නවද ? හොඳ වයිෆයි නෙට්වර්ක් එකක් අහු වේවා කියන එක. අතේ තියෙන තුට්ටු දෙකට තට්ටු නොවී ඉන්ටනෙට් යන්නනම් මෙහෙම එකක් නැතුව බැහැ. ඉතින් මේ කොල්ලත් ඔය අරමුණ හිතේ තියන් කොළඹ වටේ රවුම් ගැහුවට මෙච්චර කාලෙකට හරිගියේ නැහැ නොවැ. අන්තිමේදි දෙන දෙය්යෝ බෝඩිමටම ගෙනත් දෙනවා කියන්නා වගේ හම්බුනා....ලඟපාත කඩේක 8Mbit Unsecured ADSL ලයින් එකක්. එදායින් පස්සේ මගේ ලැප් එකට බරටම වැඩ. බලපු නැති ටීවී සීරීස්, ගහපු නැති ගේම්ස්, අරවද මේවද කිව් එකේ පිරිලා... හිටු කියල බානවා. මෙන්න මෙහෙමයි වේගේ....


කඩේ එකා මාව හොයන් ආවේ නැත්නම් කොල්ල අනිවාර්යෙන්ම ගිගා 300ක් බානව මේ මාසෙට....
ඉතින් ඔය ඇත්තොත් නිකම් ඉන්න වෙලාවට පොඩි සෝදිසියක් දාල බලන්න. මට වගේ පිනා චාන්ස් එකක් හම්බුවෙන්න ඉඩ තියෙනවා. එහෙනම් අපි ගියාවේ.... ජය !

Monday, March 19, 2012

ෂර්ලොක් ( BBC MiniSeries -2010 )


BBC නාලිකාව ඉදිරිපත් කරපු 21වෙනි සියවසේ ෂර්ලොක් හෝම්ස් කතා මාලාව බොහෝ දෙනෙක් බලල ඇති. නැතිනම් අද බලන්න පුළුවනි.  මෙහි විශේෂත්වය තමයි පැරණි කතාවල සිදුවීම් හා චරිත ඉතාම සිත්ගන්න අන්දමකට වර්තමානය තුල නිරූපණය කිරීම. වෙනදට වඩා ක්‍රියාශීලී දොස්තර වොට්සන් පොත් ලිවීම වෙනුවට කරන්නේ බ්ලොග් ලියන එක. මොරියාටි කියන්නේ සයිබර් අපරාධ වලටත් හවුල් පුද්ගලයෙක්. හෝම්ස් නම් කිසිම වෙනසක් නැහැ. සුපුරුදු ගතිගුණමයි තියෙන්නේ. මේකෙදි මයික්රෝෆ්ට් හෝම්ස් වැඩි දායකත්වයක් සපයනවා.

මේ කතාමාලාව කොච්චර ජනප්‍රිය උනාද කියනව නම් එක රැයක් තුල මිලියන 7ක් ප්‍රේක්ෂකයන් නැරඹුවා. imdb වල 9.1ක රේටින්ග්ස් ලබාගෙන තියෙනවා. දැනට කතා 6ක් නිකුත් වෙලා තියෙනවා. එකක ධාවන කාලය මිනිත්තු 90ක්. 

ඉතාම හොඳ මට්ටමේ කුඩා කොපියක් මට හම්බ උනා. 2GB ටොරන්ට් ෆයිල් එකක්. බාගෙනම බලන්නකෝ කොහොමද කියල. මෙන්න ලින්ක් එක.

Tuesday, March 6, 2012

ගේම් පිස්සුව හා ඇඩ්-හොක් පිහිට

මීට මාසෙකට විතර කලින් ආපු අදහසක් තමයි හොස්ටල් එකේ ගේම් සර්වර් එකක් හදන එක. එත් ඕනි කරන බඩු භාණ්ඩ නැතිකොට මොනව කරන්නද? ටිකක් කල්පනා කරල බලනකොටයි මතක් උනේ දැන් එන හැම ලැප්ටොප් එකේම වයිෆයි තියෙන විත්තිය. එත් වයිෆයි රවුටරයක්  නැතුව නෙට්වර්ක් එකක් හදන හැටි ගැන අදහසක් ගන්න බැරි උනා. බොක්කෙන්ම හොයනකොට දැක්ක ඇඩ්-හොක් කනෙක්ෂන් ගැන. ඇඩ්-හොක්  කියන්නේ වින්ඩෝස් විස්ටා වලට මුලින්ම ආපු තාවකාලික නෙට්වර්කින්ග් ක්‍රමයක්. ඕනි දෙයක් වෙච්චාවේ කියල හදල බැලුව මේ සයිට් එකේ තියෙන විදිහට. එළකිරි වගේ වැඩ !! 


දැන් ඉතින් අපේ උන්ගෙ වැඩේ පාඩම් පැත්තකින් තියල හතර හතර සෙට්වෙලා මොස්ට්‌ වෝන්ටඩ් ගහන එකයි පහළොවක් විතර වටවෙලා කෝල් ඔෆ් ඩියුටි එකේ මරාගන්න එකයි.... 
ඇඩ්-හොක් එකකින් උපරිම 54Mbps වේගයක් හම්බ වෙනවා. මැෂින් 10ක් කනෙක්ට් කරගන්න ඒ හොඳටම ඇති.

Monday, February 20, 2012

ඇවාස්ට් ඉන්ටර්නෙට් සිකියුරිටි නොමිලේ !!! [ක්‍රැක් නැතුව]



ඇවාස්ට් කියන්නේ පරිගණකයේ වේගයට අඩුම බලපෑමක් කරමින් ඉහලම ආරක්ෂාවක් සපයන වයිරස් ගාඩ් එකක්. මේකේ නොමිලේ දෙන සංස්කරණය ලොව පුරා මිලියන ගණනක් භාවිතා කරනවා. එත් ෆයර්වෝල් එක අඩංගු නොවීම නිසා ආරක්ෂාව පිලිබඳ පොඩි ගැටළුවක් මතු වෙනවා. එයට විකල්පයක් ලෙස භාවිතා වන ඇවාස්ට් ඉන්ටර්නෙට් සිකියුරිටිහි මිල  $49.99 ක් වෙනවා. නමුත් පොඩි ජිල්මාට් එකක් දාල නොමිලේ පාවිච්චි කරන්නත් පුළුවනි.

මෙහෙම කරමු.
1.ඇවාස්ට් ඉන්ටර්නෙට් සිකියුරිටි නැතිනම් මෙතනින් බාගන්න
2.කී ෆයිල් එක මෙතනින් බාගන්න
3.ඉන්ස්ටෝල් කරගෙන කී ෆයිල් එක ලබාදෙන්න
4.ඇවාස්ට් තුල FIREWALL එකේ "Application Rules" වෙත යන්න
5.රයිට් ක්ලික් කර "New Group" එකක් හදන්න. එතුල "New application rule" එකක් දෙන්න
6.දැන් C:\Program Files\AVAST Software\Avast\AvastUI.exe එක තෝරන්න
7.එයට "Block all connections" දෙන්න


වැඩ අවසන්. දැන් ඔබට ඇවාස්ට් ඉන්ටර්නෙට් සිකියුරිටි සම්පුර්ණයෙන්ම නොමිලේ භාවිතා කරන්න පුළුවනි. මෙහිදී වයිරස් ගාඩ් එකේ ක්‍රියාවලියට බාධාවක් වෙන්නේ නෑ. ඕනිම වර්ෂන් එකකට අප්ඩේට් අප්ග්‍රේඩ් කරන්න පුළුවනි. කී ෆයිල් එක ඉවර වෙනකන් පාවිච්චි කරන්න පුළුවනි. ක්‍රැක් වලට අකමැති අයටත්, සැරින්සැරේට කී ෆයිල් මාරු කරන්න අකමැති අයටත් මේ ක්‍රමය ප්‍රයෝජනවත් වේවි.